ایس سی او اجلاس کے مثبت اثرات سامنے آئیں گے: طاہر محمود اشرفی

چیئرمین علماء کونسل حافظ طاہر محمود اشرفی کا کہنا ہے کہ شنگھائی تعاون تنظیم (ایس سی او) سربراہی اجلاس کے مثبت اثرات سامنے آئیں گے۔

طاہر محمود اشرفی نے اپنے بیان میں کہا ہے کہ عرب ممالک کے سرمايہ كار پاکستان میں سرمایہ کاری کریں، پاکستان میں سرمایہ کاری سے متعلق بہترین سہولتیں اور ماحول بن چُکا ہے۔

شنگھائی تعاون تنظیم کا اجلاس، کب کیا ہو گا؟ شیڈول جاری

شنگھائی تعاون تنظیم کا 23 واں سربراہی اجلاس آج اسلام آباد میں شروع ہو رہا ہے، جس میں میزبان پاکستان سمیت 8 ممالک کے وزرائے اعظم اور دیگر اعلیٰ شخصیات شرکت کریں گی۔

واضح رہے کہ شنگھائی تعاون تنظیم کا 23 واں سربراہی اجلاس آج سے اسلام آباد میں شروع ہو گا۔

اس سلسلے میں  وفاقی دارالحکومت میں اجلاس کی تیاریاں مکمل کر لی گئیں۔

اجلاس میں شرکت کے لیے ایس سی او ممالک کے سربراہان کی آمد کا سلسلہ جاری ہے۔

 مہمانوں کے استقبال کے لیے اسلام آباد کو رنگین روشنیوں، پھولوں کی سجاوٹ، ایس سی او ممالک کے جھنڈوں اور بینرز سے آراستہ کیا گیا ہے۔