بحیرۂ عرب میں موجود ڈپریشن آج کمزور ہو جائے گا: محکمۂ موسمیات

محکمۂ موسمیات نے بتایا ہے کہ بحیرۂ عرب میں موجود ڈپریشن 10 گھنٹوں میں مغرب کی طرف بڑھا ہے۔

محکمۂ موسمیات کے مطابق ڈپریشن کراچی سے 1190 کلو میٹر اور اورماڑہ سے 1100 کلومیٹر دور ہے جبکہ عمان کے ساحل سے 520 کلو میٹر کے فاصلے پر ہے۔

بحیرۂ عرب میں ڈپریشن، ماہی گیروں کو گہرے سمندر جانے سے روک دیا گیا

بحیرۂ عرب میں موجود ڈپریشن مغرب اور شمال مغرب کی جانب بڑھ رہا ہے، ڈپریشن کراچی اور اورماڑہ سے 1010 جبکہ گوادر سے 1000 کلومیٹر دور ہے۔

یہ سسٹم عمان کے ساحل کی جانب حرکت کرتا رہے گا اور آج کمزور ہو کر ہوا کے شدید کم دباؤ میں تبدیل ہو جائے گا۔

سسٹم کے مرکز میں 30 سے 40 کلو میٹر فی گھنٹہ کی رفتار سے ہوائیں چل رہی ہیں۔

محکمۂ موسمیات کے مطابق آج شام تک سمندر میں طغیانی رہنے کا امکان ہے اس لیے بلوچستان کے ماہی گیر آج شام تک گہرے سمندر میں جانے سے گریز کریں۔