نواز شریف کا آج عشائیہ، زرداری، شہباز، مولانا، بلاول شرکت کرینگے

مسلم لیگ ن کے صدر نواز شریف آج اہم سیاسی قیادت کو عشائیہ دیں گے۔

ذرائع کے مطابق عشائیے میں شرکت کے لیے صدر آصف علی زرداری آج لاہور پہنچ گئے، ان کے ساتھ چیئرمین پیپلز پارٹی بلاول بھٹو بھی عشائیے میں شریک ہوں گے۔

وزیرِ اعظم شہباز شریف بھی عشائیے میں شریک ہوں گے، وہ ایس سی او کے اجلاس کے بعد لاہور پہنچیں گے۔

نواز شریف و مولانا فضل الرحمٰن کی ملاقات آج متوقع

مسلم لیگ ن کے قائد نواز شریف اور جمعیت علمائے اسلام (جے یو آئی ف) کے سربراہ مولانا فضل الرحمٰن کے درمیان آج ملاقات متوقع ہے۔

جے یو آئی ایف کے سربراہ مولانا فضل الرحمٰن پہلے ہی لاہور پہنچ چکے ہیں۔

ترجمان جے یو آئی پنجاب کا کہنا ہے کہ مولانا فضل الرحمٰن کی آج نواز شریف سے پہلے ہی ملاقات طے ہے۔

ذرائع نے بتایا ہے کہ ملاقات میں آئینی ترامیم پر تبادلہ خیال کیا جائے گا۔