لگتا ہے یہ پچ ہر روز مختلف ہوتی جائے گی، بین ڈکٹ

انگلینڈ کرکٹ ٹیم کے بیٹر اور سنچری میکر بین ڈکٹ نے کہا ہے کہ مجھے لگتا ہے کہ یہ پچ ہر روز مختلف ہوتی جائے گی۔

پاکستان کے خلاف دوسرے ٹیسٹ کے دوسرے روز کھیل کے اختتام پر پریس کانفرنس کرتے ہوئے بین ڈکٹ کا کہنا تھا کہ آج پچ پر اسپن زیادہ ہوا ہے، مجھے لگتا ہے کہ مزید اسپن ہوگا۔

بین ڈکٹ کا کہنا تھا کہ کل کوشش ہوگی کہ زیادہ سے زیادہ رنز کریں، آخری سیشن کے آخر میں پاکستانی اسپنرز نے اچھی بولنگ کی۔

دوسرا ٹیسٹ: دوسرے دن کا کھیل ختم، انگلینڈ 127 رنز خسارے میں، پاکستان کی گرفت مضبوط

انگلینڈ کو پاکستان کی برتری ختم کرنے میں مزید 127 رنز درکار ہیں جبکہ اسکی صرف 4 وکٹیں باقی ہیں۔

اپنی سنچری پر بات کرتے ہوئے انہوں نے کہا کہ سنچری کرنے کے بعد ہمیشہ خوشی ہوتی ہے۔ چوتھی اننگز اس پچ پر آسان نہیں ہوگی۔

انگلش کرکٹر کا کہنا تھا کہ پاکستان کے خلاف کھیلنے کے تجربے سے فائدہ اٹھایا، زیادہ سوئپ شاٹس کی کوشش نہیں کی۔

خیال رہے بین ڈکٹ نے ملتان ٹیسٹ کے دوسرے روز 114 رنز کی اننگز کھیلی تھی۔