یوکرین نے نیوکلیئر ہتھیار حاصل کرنے کی کوشش کی تو مناسب کارروائی کریں گے، روس

روس کے صدر ولادیمیر پیوٹن نے دھمکی دی ہے کہ اگر یوکرین نے ایٹمی ہتھیار حاصل کرنے کی کوشش کی تو مناسب کارروائی کی جائے گی، انہوں نے مغربی ممالک کو خبردار کیا کہ یوکرین کو نیوکلیئر ہتھیار منتقل کرنے کی کوشش چھپی نہیں رہ سکے گی۔

ماسکو میں بریکس تنظیم کے رکن ممالک سے تعلق رکھنے والے صحافیوں سے  گفتگو کرتے ہوئے روسی صدر نے کہا کہ جدید دنیا میں اب نیوکلیئر ہتھیار بنانا مشکل نہیں رہا۔ 

روس: 16 واں برکس سربراہی اجلاس، شی جن پنگ اور مودی شرکت کرینگے

چین کے صدر شی جن پنگ اور بھارتی وزیرِ اعظم نریندر مودی روس میں منعقد ہونے والے برکس کے سربراہی اجلاس میں شرکت کریں گے۔

ان کا کہنا تھا کہ وہ یہ تو نہیں جانتے کہ اس وقت یوکرین ایسا کرنے کے قابل ہے یا نہیں مگر اتنا ضرور ہے کہ یہ یوکرین کے لیے اس وقت آسان نہیں ہوگا۔ 

ولادیمیر پیوٹن کا مزید کہنا تھا کہ نیوکلیئر ہتھیاروں کی تیاری میں اس دور میں زیادہ مشکلات نہیں، ہر چیز واضح ہے کہ یہ عمل کیسے انجام دیا جائے۔ 

ولادیمیر پیوٹن نے یہ بھی کہا کہ نیوکلیئر ہتھیار بنانا اشتعال انگیزی ہوگا اور اس جانب کسی بھی قدم کا مناسب ردعمل دیا جائے گا۔

روسی صدر نے کہا کہ جنگ شروع ہونے سے پہلے ہی یوکرین نے کہا تھا کہ انکے پاس نیوکلیئر ہتھیار ہونے چاہئیں، مگر روس ایسا کسی بھی صورت نہیں ہونے دے گا۔