آئینی ترمیم کی متفقہ منظوری ملکی تاریخ میں سنگِ میل ہے: گورنر پنجاب

گورنر پنجاب سردار سلیم حیدر کا کہنا ہے کہ متفقہ طور پر 26 ویں آئینی ترمیم منظور کرنا ملک کی تاریخ میں ایک سنگِ میل ہے۔

سردار سلیم حیدر نے 26 ویں آئینی ترمیم کی منظوری پر پوری قوم کو مبارک باد پیش کی ہے۔

اُنہوں نے کہا ہے کہ صدر زرداری، بلاول بھٹو، ن لیگ اور تمام سیاسی جماعتوں کے قائدین کو مبارک باد پیش کرتا ہوں۔

26 ویں آئینی ترمیم کی منظوری، پی ٹی آئی نے اچانک یوٹرن کیوں لیا؟

اسلام آ باد 26 ویں آئینی ترمیم کی منظوری، پی ٹی...

گورنر پنجاب نے کہا کہ آصف زرداری اور بلاول بھٹو کا اس آئینی ترمیم کی منظوری کے لیے کردار تاریخ میں ہمیشہ یاد رکھا جائے گا۔

واضح رہے کہ سینیٹ سے منظوری کے بعد قومی اسمبلی میں بھی 26 ویں آئینی ترمیم کی منظوری دے دی گئی جس کے بعد صدرِ مملکت آصف علی زرداری نے اس پر دستخط کر دیے ہیں۔

صدر کے دستخط کے بعد 26 ویں آئینی ترمیم کا گزٹ نوٹیفکیشن جاری کر دیا گیا ہے۔