• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاکٹر کی تشدد زدہ لاش برآمد، فائرنگ کے واقعات میں دو افراد قتل

میرا شہر
اسلام آباد
08 نومبر ، 2024
راولپنڈی(خصوصی نامہ نگار) راولپنڈی کے مختلف علاقوں میں تین افراد کو قتل کر دیا گیا ۔راول ڈیم پر دو گروپوں میں فائرنگ کی نتیجے میں چارافراد زخمی ہوگئے جنہیں ہسپتال منتقل کردیا گیا۔تھانہ ٹیکسلا کے علاقے ڈھوک پنوں ٹھٹہ خلیل موٹر وے سے ڈاکٹر کی تشدد شدہ لاش ملی جس کی شناخت ڈاکٹر عبداللہ نیاز ولد نیاز علی سکنہ جان کالونی پشاور کے نام سے ہوئی ۔ لاش سے ملنے والےسروس کارڈ کے مطابق مقتول اسلام آباد کے پمز ہسپتال میں ڈاکٹر تھا ۔ تھانہ پیرودھائی کے علاقے نورانی محلہ میں فائرنگ کرکے عدنان پراچہ ولد ظہور پراچہ کو قتل کر دیا گیا۔ اطلاع ملنے پر پولیس موقع پر پہنچ گئی۔تھانہ چک بیلی کے علاقے ڈھوک کاک میں اراضی کے تنازع پر فائرنگ کے نتیجہ میں سعید ملتانی نامی شخص جاں بحق اور تین افراد زخمی ہو گئے جنہیں ہسپتال منتقل کر دیا گیا ۔ مقتول ملتان کا رہنے والا تھا اور مقامی کمپنی میں ملازمت تھا۔
اسلام آباد سے مزید