فرمان الہی
نماز کے اوقات
کراچی(اسٹاف رپورٹر) سائٹ سپر ہائی وے فروٹ منڈی گیٹ نمبر 2 کے قریب ٹریفک حادثہ میں نوجوان جاں بحق ہوگیا،پولیس کے مطابق متوفی کی شناخت نہیں ہوسکی ، حادثہ کا ذمہ دار ڈرئیور گاڑی لیکر فرار ہوگیا ہے ، کورنگی بلال کالونی میں واقع گھر میں گرنے سے 50سالہ بلال خان ولد بھاجی خان جاں بحق ہوگیا ،دریں اثنا سی ویو چنکی منکی کے قریب سمندر میں ڈوبی خاتون کی لاش ملی ، فوری طور پر شناخت نہیں ہوسکی، سول اسپتال کے قریب سے ایک شخص کی لاش ملی ،ریسکیو زرائع کا کہنا ہےکہ متوفی نشہ کا عادی معلوم ہوتا ہے، فوری طور پر شناخت نہیں ہوسکی ،لانڈھی ریڑھی گوٹھ لاٹھی بستی کے قریب سڑک سے ایک شخص کی لاش ملی ،متوفی کی فوری شناخت نہ موت کی وجہ معلوم ہوسکی ، پرانا گولیمار ماما لالو چوک کے قریب ندی کنارے سے ایک شخص کی لاش ملی ،پولیس کاکہنا ہےکہ متوفی نشہ کا عادی تھا ، عوامی کالونی تھانوں کی حدود سندھ گورنمنٹ اسپتال کے قریب سڑک سے 60 سالہ عبدالغفار کی لاش ملی۔
