فرمان الہی
نماز کے اوقات
کراچی(اسٹاف رپورٹر) تھانہ اتحاد ٹاؤن پولیس نے مبینہ طور پر6 رکنی انتہائی مطلوب ڈکیت گروپ کے چار کارندوں نصیب اللہ، عزت خان، انعام اللہ اورعابدکو گرفتار کرکے اسلحہ اور چوری شدہ موٹرسائیکلیں برآمد کرلیں، ملزمان کی تھانہ سائٹ بی کے علاقے میں واقع گودام میں واردات کی cctv فوٹیج بھی سامنے آئی ہے ، سرجانی میں مبینہ پولیس نے سیکٹر 11 میں پولیس اور مسلح ڈاکوؤں میں مبینہ طرفہ فائرنگ کے نتیجے میں ایک ملزم ہاشم حسین کو زخمی حالت میں گرفتار کرلیا گیا جبکہ 2 ساتھی فائرنگ کرتے ہوئے فرار ہوگئے،گرفتار ملزم سے غیر قانونی اسلحہ، اور نقدی رقم برآمد ہوئی ہے،ملزم نے گزشتہ دنوں نارتھ ناظم آباد کے علاقے میں خاتون ملزمہ کے ہمراہ راہگیر شہری کو واردات کا نشانہ بنایا تھا، جیکسن تھانہ کی حدود سکندر آباد کیماڑی ٹاپو کے قریب پولیس نے مقابلے کے بعد ملزم ہدایت اللہ قریشی کو زخمی حالت میں گرفتار کرکےاسلحہ ،4کلو سے زائد چرس برآمد کرکے مقدمہ درج کرلیا، پنجابی کلب کے قریب پولیس نے ملزم سلمان غلام کو زخمی حالت میں گرفتارکرکے اسلحہ برآمد کرلیا ، ملزم کےساتھی فرار ہوگئے، گلستان جوہر بلاک 18 میں ملزم شیز زمان خان کو زخمی حالت میں گرفتارکرکے اسلحہ برآمد کرلیا،ملزم کے دیگر ساتھی فرار ہوگئے۔
