فرمان الہی
نماز کے اوقات
کراچی کی مصروف ترین سڑک شارعِ فیصل پر میٹروپول کے قریب ہوٹل میں آگ بھڑک اُٹھی، جس پر اب قابو پا لیا گیا ہے۔
ریسیکو حکام کا کہنا ہے کہ مذکورہ ہوٹل کی تیسری منزل پر لگی آگ پر کے ایم سی اور ریسکیو 1122 کے 4 فائر فائٹرز نے قابو پا لیا ہے۔
فائر بریگیڈ حکام کا کہنا ہے کہ ہوٹل میں کولنگ کا عمل شروع کر دیا گیا ہے، جو جلد مکمل کر لیا جائے گا۔
انہوں نے بتایا کہ آگ ہوٹل کی تیسری منزل پر ایک کمرے میں لگی تھی، جس میں جانی نقصان کی اطلاع نہیں ملی۔
اس سے قبل ریسکیو حکام نے بتایا تھا کہ آگ لگنے سے ہوٹل میں دھواں بھر گیا تھا، جس کے بعد فوری طور پر تمام افراد کو ہوٹل سے باہر نکالا گیا۔
ریسکیو حکام کے مطابق آگ پر قابو پانے کے لیے فائر بریگیڈ کی 4 گاڑیاں اور اسنارکل بھی طلب کی گئی تھی۔
