فرمان الہی
نماز کے اوقات
کراچی(اسٹاف رپورٹر)تھانہ کورنگی انڈسٹریل ایریا پولیس نے مبینہ مقابلہ کے بعد ایک ڈاکوہلاک اور ایک کو زخمی حالت میں گرفتارکرلیا ،پولیس کے مطابق موٹر سائیکل سوار مسلح ملزمان بلال کالونی میں شہری سے لوٹ مار میں مصروف تھے ، ملزمان کے قبضے سے دو ٹی ٹی پسٹل ، دو موبائل فونز اور نقد رقم برآمد کی گئی ہے ،زخمی کی شناخت امام بخش ، ہلاک ملزم کی فوری طور پر شناخت نہیں ہوسکی ہے،تھانہ گلشن اقبال پولیس نے مبینہ طور پرموٹر سائیکل چھینے میں ملوث مبینہ ملزماں محمد بلال اور حماد علی کو گرفتار کرکے ایک 30 بور پسٹل ، چھینی ہوئی موٹرسائیکل اور نقدی رقم برآمد کرلی ، موٹر سائیکل تھانہ عزیز بھٹی کے علاقے سے چھینی گئی تھی،میمن گوٹھ پولیس نے مبینہ طور پراسٹریٹ کرائمز کی وارداتوں میں ملوث ملزم محمد گلاب کو گرفتار کرکے ایک ریولور 32 بور برآمد کی ہے، تھانہ زمان ٹاؤن پولیس نے 100 کوارٹرز کے قریب مبینہ مقابلے میں تنویر قادر کو زخمی حالت میں گرفتارکرکے ایک پسٹل 30 بور برآمد کر لی ۔
