فرمان الہی
نماز کے اوقات
کراچی(اسٹاف رپورٹر)ایڈیشنل آئی جی کراچی جاوید عالم اوڈھو کے احکامات پر پولیس کی انسداد جرائم کے خلاف کامیاب کارروائیوں کا سلسلہ جاری ہے،ترجمان کراچی پولیس کے مطابق گزشتہ ہفتے کے دوران ڈاکوؤں سے ضلعی پولیس کے 19 مبینہ مقابلے ہوئے، ایک ڈاکو ہلاک جبکہ 20 زخمی ڈاکوؤں سمیت 25ملزمان کو گرفتار کرکے 22 مختلف اقسام کا غیر قانونی اسلحہ اور 14موٹر سائیکلیں برآمد کی گئیں،پولیس نے ایسٹ، ویسٹ اور سائوتھ زونز میں مجموعی طور پر 1267 سے زائد ملزمان کو گرفتار کیا ، منشیات کیخلاف جاری مہم کے دوران مختلف علاقوں سے لاکھوں روپے مالیت کی 84کلو 384گرام چرس، 1کلو 514گرام آئس/کرسٹال اور ہیروئین برآمد کی گئی ،گرفتار ملزمان سے 126 سے زائد مختلف اقسام کا غیر قانونی اسلحہ برآمد کیا گیا، مختلف علاقوں سے مجموعی طور پر چھینی و چوری شدہ 51 موٹرسائیکلیں اور 15 گاڑیاں برآمد کی گئیں ۔
