فرمان الہی
نماز کے اوقات
کراچی(اسٹاف رپورٹر)گلشن معمار پولیس نے 10 سالہ لڑکے سمیت 6 رکنی بین الصوبائی موٹر سائیکل لفٹر گروہ کو گرفتار کرلیا ، پولیس کے مطابق سی سی ٹی وی فوٹیج کی مدد سے 10 سالہ ملزم شاہزیب کو گرفتار کرکے اس کی نشاندہی پر خاتون ملزمہ اور مزید 4 ملزمان کو گرفتار کرلیا گیا۔ ر ملزمان سے 14 موٹرسائیکلیں ، 7 ے چیچس، 9 انجن اور دیگر سامان برآمد ہو ا ہے 10 سالہ شاہزیب موٹرسائیکلیں چوری کرتا، جبکہ ملزمان حماد، مزمل اور رفیق چوری شدہ موٹرسائیکلز کو اسٹور کرتے اور کھولتے تھے، ملزمہ زینب اور ملزم محمد انس چوری شدہ موٹرسائیکلیں حب بلوچستان میں فروخت کرتے تھے، سعید آباد پولیس نے مبینہ طور پر منشیات فروشی میں ملوث محمد شکیل کو گرفتار کر کے 640 گرام چرس برآمد کر لی ،گڈاپ سٹی پولیس نے مبینہ طور پر اسٹریٹ کرائم میں ملوث ملزم محمد صدیق اسماعیل کو گرفتار کرکے پستول 32 بور برآمد کرلیا ،کارروائی سروس روڈ نزد رینجرز شوٹنگ کلب کے قریب کی گئی ، پیرآباد پولیس نے مبینہ طور پر اسٹریٹ کرائم کی وارداتوں میں ملوث ملزم سلیمان عرف پی کے کو گرفتار کرکے غیر قانونی اسلحہ، موبائل فون اور نقد رقم برآمد کرلی ، شیرشاہ پولیس کی دو مختلف مقامات پر کارروائیوں کے دوران مبینہ طور پر منشیات فروشی میں ملوث دو ملزمان کوگرفتار کرلیا ،پہلی کارروائی میں ملزم صمد سے 510 گرام چرس ، دوسری کاروائی میں ملزم دانش سے 75 گرام چرس برآمد کی گئی ۔
