فرمان الہی
نماز کے اوقات
کراچی (افضل ندیم ڈوگر) متحدہ عرب امارات کے قومی دن کے حوالے سے کلفٹن میں واقع ایک معروف ریسٹورنٹ میں خصوصی تقریب منعقد ہوئی۔ جس میں قونصل جنرل امارات کراچی بخیت عتیق الرومیتی نے تاجر برادری اور مختلف این جی اوز کے ساتھ قومی دن کی خوشیاں بانٹیں۔ قونصل جنرل بخیت عتیق الرومیتی نے تقریبات کے انعقاد اور ان میں شرکت پر ان تمام پاکستانیوں کا شکریہ ادا کیا جنہوں نے یو اے ای کے قومی دن کو دلی جوش و جزبے سے منایا۔ جے ایس اکیڈمی میں بھی یو اے ای کے قومی دن کو نہایت جوش سے منایا گیا۔ سماعت سے محروم بچوں نے اپنے انداز سے یو اے ای کے ترانے کو محبت سے پیش کیا جسے سب نے بہت پسند کیا۔ قونصل جنرل کا کہنا تھا کہ یو اے ای کے قومی دن کو منانے میں سندھ حکومت کے بھی بے حد شکر گزار ہیں جنہوں نے یو اے ای کے قومی دن کی تقریبات میں بڑھ چڑھ کر حصہ لیا۔
