• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیرس: نادرا چیئرمین لیفٹیننٹ جنرل منیر افسرکی زیر قیادت وفد کی ٹرسٹیک 2024 نمائش میں شرکت

آج کا اخبار
اہم خبریں
04 دسمبر ، 2024
پیرس ،لاہور( رضا چوہدری،آصف محمود بٹ ) پیرس میں نادرا نے ٹرسٹیک 2024نمائش، لیفٹیننٹ جنرل محمد منیر افسر، چیئرمین نیشنل ڈیٹا بیس اینڈ رجسٹریشن اتھارٹی (نادرا) آج پیرس میں شروع ہونے والی ٹرسٹیک 2024نمائش میں پاکستان کی نمائندگی کر رہے ہیں اور یہ 5دسمبر 2024 تک جاری رہے گی۔ فرانس میں پاکستان کے سفیر عاصم افتخار احمد نے ٹرسٹیک میں نادرا کے پویلین کا دورہ کیا اور چیئرمین اور وفد سے بات چیت کی۔ چیئرمین نادرا نے تنظیم کی جانب سے کی جانے والی مختلف تکنیکی اختراعات کے بارے میں بتایا - ان تمام کا مقصد زیادہ تکنیکی خود انحصاری، آپریشنل کارکردگی، بہتر سروس اور زیادہ سے زیادہ کوریج ہے۔ پاکستان پویلین میں ڈسپلے پر دیسی بائیو میٹرک اور شناختی دستاویزات کی ایپلی کیشن پروسیسنگ ڈیوائسز تھیں جن میں سیلف سروس کیوسک، آل ان ون انرولمنٹ کٹس، تصدیق کے لیے ہینڈ ہیلڈ ٹیبلٹس اور IRIS کیمرے شامل تھے۔ یہ تمام آلات قابل اعتماد ہیں اور موثر کارکردگی فراہم کرتے ہیں جو مضبوط شناخت کی تصدیق کے عمل کے لیے اہم ہے۔ نادرا نے 2000 میں اپنے قیام کے بعد سے پاکستان کے ڈیجیٹل پبلک انفراسٹرکچر کو پائیدار ترقیاتی اہداف (SDGs) کے مطابق بنایا ہے جس میں شامل ہیں: شناختی دستاویزات (قومی شناختی کارڈ، اوورسیز کارڈ؛ وغیرہ)، مالیاتی نظام (موبائل/برانچ کے بغیر بینکنگ، ترسیلات زر، پنشن کی تقسیم؛ ای گورننس (آن لائن ویزا، ٹیکسیشن سسٹم، ای پاسپورٹ، قانونی وراثت؛ وغیرہ)، صحت اور تعلیم (ویکسینیشن کا نظام، اسکالرشپ پروگرام؛ وغیرہ) اور سماجی تحفظ (ڈیزاسٹر ریلیف پروگرام، سبسڈی پروگرام؛ وغیرہ)۔ سفیر نے نادرا کے زبردست کام اور خدمات کی وسیع رینج کو سراہتے ہوئے کہا کہ ڈیجیٹل شناخت لوگوں کو بااختیار بنا رہی ہے اور انہیں پوری دنیا سے جوڑ رہی ہے۔
اہم خبریں سے مزید