فرمان الہی
نماز کے اوقات
امریکا میں ملٹی نیشنل ہیلتھ انشورنس کمپنی یونائیٹڈ ہیلتھ کیئر کے سی ای او برائن تھامپسن کے قتل کا معاملہ پراسرار ہوگیا ہے۔
اُنہیں بدھ کے روز نامعلوم مسلح شخص نے نیو یارک کے ہلٹن ہوٹل کے باہر گولی مار کر ہلاک کیا تھا، ملزم کی تلاش جاری ہے۔
پولیس نے اسے منصوبہ بندی کے تحت کیا گیا حملہ قرار دیا ہے، لیکن قتل کی وجہ ابھی تک واضح نہیں ہو سکی۔
تاہم سوشل میڈیا پر ممکنہ محرکات کے بارے میں قیاس آرائیاں جاری ہیں، جن میں ذاتی دشمنی، کارپوریٹ انتقام اور کمپنی کی متنازع پالیسیوں کا ذکر شامل ہے۔
تحقیقات کے دوران گولیوں کے خول پر ملنے والے پراسرار الفاظ نے معاملے کو مزید پیچیدہ بنا دیا ہے۔
امریکی میڈیا کے مطابق گولیوں کے خول پر لکھے گئے الفاظ تھےdeny’’ ، defend اور depose‘‘ بعض لوگوں کے خیال میں اِن الفاظ کا اشارہ برائن تھامپسن اور اُن کے ساتھیوں کے خلاف کمپنی کے لاکھوں ڈالرز کے شیئرز خُرد برد کرنے کے مقدمے سے ہوسکتا ہے۔
ایف بی آئی کے سابق سینیئر اہلکار کے خیال میں قتل کی ایک اور وجہ یہ ہو سکتی ہے کہ یونائیٹڈ ہیلتھ کیئر کمپنی کی انشورنش کلیمز مسترد کرنے کی 32 فیصد شرح بقیہ بیمہ کمپنیوں سے دو گنا زیادہ ہے۔
