فرمان الہی
نماز کے اوقات
پاکستان مسلم لیگ (ن) کے رہنما طلال چوہدری کا کہنا ہے کہ یہ چارج شیٹ صرف فیض حمید کے خلاف نہیں، پی ٹی آئی کے بھی خلاف ہے، ثابت ہوگیا کہ 9 مئی کو احتجاج نہیں بغاوت کی گئی تھی۔
جیو نیوز سے گفتگو کرتے ہوئے طلال چوہدری نے کہا کہ انھوں نے دوبارہ کوشش کی کہ اس ٹرائل کو سبوتاژ کریں اس لیے سول نافرمانی کی کال دی گئی، یہ چارج شیٹ فیض حمید اور بانی پی ٹی آئی کے گٹھ جوڑ پر ہے۔
طلال چوہدری نے کہا کہ پاکستان کی معیشت کو تباہ کیا گیا، ڈیفالٹ کے دہانے پر لایا گیا، آرمی چیف کی تعیناتی روکنے کےلیے لانگ مارچ بھی سازش کا حصہ تھا، اب اداروں کے اندر سے ان کو سپورٹ نہیں مل رہی، اب اس معاملے کو انجام تک پہنچنا چاہیے۔
رہنما مسلم لیگ ن نے کہا کہ بانی پی ٹی آئی اقتدار میں نہ پہنچتے اگر فیض حمید عہدے پر نہ ہوتے، بشریٰ بی بی کا کنٹرول ان ہی موصوف کے باعث تھا، الیکشن اور اس کے بعد کے ایونٹس 26 نومبر کا احتجاج اور 14 دسمبر کی کال اس ٹرائل کے ساتھ جڑی ہوئی ہے۔
