فرمان الہی
نماز کے اوقات
بیجنگ (اے پی پی) چینی صدر شی جن پنگ نے کہا ہے کہ امریکا کیساتھ ’’تجارتی جنگ‘‘ میں کوئی فاتح نہیں ہوگا، چین کو امید ہے کہ امریکا دوطرفہ تعلقات کو مستحکم، صحت مند اور پائیدار سمت کی طرف بڑھانے کے لیے چین کے ساتھ مل کر کام کرے گا۔ شنہوا کے مطابق انہوں نے بیجنگ میں بڑی بین الاقوامی اقتصادی تنظیموں کے سربراہان کے ساتھ ملاقات کے دوران کہا کہ تجارتی جنگیں اور سائنس۔ ٹیکنالوجی کی جنگیں تاریخ کے رجحان اور معاشیات کے قوانین کے خلاف ہیں اوران جنگوں کا کوئی فاتح نہیں ہو گا۔انہوں نے مزید کہا کہ چین امریکی حکومت کے ساتھ بات چیت کو برقرار رکھنے، تعاون کو بڑھانے اور اختلافات کو حل کرنے کے لئے تیار ہے۔
