فرمان الہی
نماز کے اوقات
اسلام آ باد ( نیوز رپورٹر) حج پروازوں سے متعلق وزارت مذہبی امور اور سعودی ائیرلائن کے مابین معاہدہ طے پا گیا۔معا ہدے کے مطابق سعودی ایئرلائن35ہزار پاکستانی سرکاری حجاج کو سفری سہولیات مہیا کرے گی۔ معاہدے پر وزارت مذہبی امور میں دستخط کیے گئے۔
سعودی ایئرلائن کے پاکستان میں کنٹری مینیجر سلطان الحربی اور ایڈیشنل سیکرٹری وزارت مذہبی امورو بین المذاہب ہم آہنگی ڈاکٹر سید عطا الرحمن نے معاہدے پر دستخط کیے۔
سعودی ایئرلائن کے کنٹری مینیجرنے پاکستانی حجاج کو بہترین سہولیات کی فراہمی کے عزم کا اعادہ کیا۔
ایڈیشنل سیکریٹری وزارت مذہبی امور ڈاکٹر عطا الرحمن نے اس موقع پرکہا کہ پاکستانی حجاج کیلئے بہترین سہولیات کی فراہمی یقینی بنانے کیلئے ہر ممکن اقدامات کر رہے ہیں۔
