فرمان الہی
نماز کے اوقات
سانحۂ 9 مئی 2023ء کے 19 مجرمان کی سزاؤں میں معافی کا اعلان کر دیا گیا۔
انٹر سروسز پبلک ریلیشنز (آئی ایس پی آر) کے مطابق سانحۂ 9 مئی کی سزاؤں پر عمل درآمد کے دوران مجرمان نے رحم اور معافی کی پٹیشنز دائر کی تھیں۔
آئی ایس پی آر کے مطابق ان مجرمان کو ضابطے کی کارروائی مکمل ہونے کے بعد رہا کیا جا رہا ہے جبکہ دیگر تمام مجرمان کے پاس بھی اپیل، قانون اور آئین کے مطابق دیگر قانونی حقوق برقرار ہیں۔
مجموعی طور پر 67 مجرمان نے رحم کی پٹیشنز دائر کی تھیں۔
آئی ایس پی آر کے مطابق 48 پٹیشنز کو قانونی کارروائی کے لیے ’کورٹس آف اپیل‘ میں نظرِ ثانی کے لیے ارسال کیا گیا تھا، 19 مجرمان کی پٹیشنز کو خالصتاً انسانی بنیادوں پر قانون کے مطابق منظور کیا گیا۔
دائر کی گئی دیگر رحم کی پٹیشنوں پر عمل درآمد مقررہ مدت میں قانون کے مطابق کیا جائے گا۔
ترجمان پاک فوج کا کہنا ہے کہ سزاؤں کی معافی ہمارے منصفانہ قانونی عمل اور انصاف کی مضبوطی کا ثبوت ہے، یہ نظام ہمدردی اور رحم کے اصولوں کو مدِ نظر رکھتے ہوئے انصاف کی فراہمی کو یقینی بناتا ہے۔
آئی ایس پی آر کے مطابق اپریل 2024ء میں انسانی ہمدردی کی بنیاد پر 20 مجرمان کی رہائی کا حکم صادر کیا گیا تھا۔
محمد ایاز ولد صاحبزادہ خان، سمیع اللّٰہ ولد میر داد خان، لئیق احمد ولد منظور احمد، امجد علی ولد منظور احمد، یاسر نواز ولد امیر نواز خان، سعید عالم ولد معاذ اللّٰہ خان کی سزا معاف کی گئی ہے۔
زاہد خان ولد محمد نبی، محمد سلیمان ولد سعید غنی جان، حمزہ شریف ولد محمد اعظم، محمد سلمان ولد زاہد نثار، اشعر بٹ ولد محمد ارشد بٹ، محمد وقاص ولد ملک محمد خلیل، سفیان ادریس ولد ادریس احمد، منیب احمد ولد نوید احمد بٹ، محمد احمد ولد محمد نذیر کی بھی سزا معاف کی گئی ہے۔
آئی ایس پی آر کے مطابق محمد نواز ولد عبدالصمد، محمد علی ولد محمد بوٹا، محمد بلاول ولد منظور حسین اور محمد الیاس ولد محمد فضل حلیم کی سزا بھی معاف کی گئی ہے۔
بنوں کینٹ حملے میں ملوث سمیع اللّٰہ ولد میر داد خان کو 2 سال قید بامشقت کی سزا سنائی گئی تھی جبکہ ایف سی کینٹ پشاور حملے میں ملوث محمد ایاز ولد صاحبزادہ خان کو 2 سال قید بامشقت کی سزا سنائی گئی تھی۔
ہیڈ کوارٹر دیر اسکاؤٹس تیمر گرہ پر حملے میں ملوث محمد الیاس کو 2 سال قید بامشقت کی سزا سنائی گئی تھی جبکہ راہولی گیٹ گوجرانوالہ کینٹ حملے میں ملوث محمد وقاص کو 2 سال قید بامشقت سزا سنائی گئی تھی۔
آئی ایس آئی آفس فیصل آباد حملے میں ملوث محمد سلمان کو 2 سال قید بامشقت، ہیڈکوارٹر دیر اسکاؤٹس تیمر گرہ حملے میں ملوث محمد سلیمان کو 2 سال قید بامشقت اور راہوالی گیٹ گوجرانوالہ کینٹ حملے میں ملوث محمد نواز کو 2 سال قید بامشقت کی سزا سنائی گئی تھی۔
آئی ایس آئی آفس فیصل آباد حملے میں ملوث امجد علی کو 2 سال قید بامشقت کی سزا سنائی گئی تھی۔
آئی ایس پی آر کے مطابق پنجاب رجمنٹل سینٹر مردان حملے میں ملوث یاسر نواز، سعید عالم اور زاہد خان، کو 2،2 سال قید بامشقت کی سزا سنائی گئی تھی۔
آئی ایس آئی آفس فیصل آباد حملے میں ملوث حمزہ شریف کو 2 جبکہ راہوالی گیٹ گوجرانوالہ کینٹ حملے میں ملوث اشعر بٹ کو بھی 2 سال قید بامشقت کی سزا سنائی گئی تھی۔
راہوالی گیٹ گوجرانوالہ کینٹ حملے میں ملوث سفیان ادریس اور منیب احمد 2،2 سال قید بامشقت کی سزا سنائی گئی تھی۔
جناح ہاؤس حملے میں ملوث محمد بلاول کو 2 سال قید بامشقت کی سزا سنائی گئی تھی جبکہ فیصل آباد آئی ایس آئی آفس حملے میں ملوث محمد علی کو 2 سال قید بامشقت کی سزا سنائی گئی تھی۔
راہوالی گیٹ گوجرانوالہ حملے میں ملوث محمد احمد کو 2 سال قید بامشقت کی سزا سنائی گئی تھی۔
