• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

الزبتھ لائن نے لندن کیلئے ملازمتوں اور ہاؤس بلڈنگ کو تقویت دی

آج کا اخبار
یورپ سے
13 جنوری ، 2025
لندن ( پی اے ) الزبتھ لائن کے قریب ملازمتوں اور گھروں میں اضافہ ہو گیا ہے- ٹرانسپورٹ فار لندن (ٹی ایف ایل ) کے تجزیے کے مطابق، الزبتھ لائن نے لندن کے لیے ملازمتوں اور ہاؤس بلڈنگ کو تقویت دی ہے۔ ٹرانسپورٹ فار لندن (ٹی ایف ایل ) کے تجزیے کے مطابق، الزبتھ لائن نے لندن کے لیے ملازمتوں اور ہاؤس بلڈنگ کو تقویت دی ہے۔ٹی ایف ایل کے تشخیصی مطالعہ کے عبوری نتائج کے مطابق، 2017اور 2022 کے درمیان الزبتھ لائن اسٹیشن کے ایک کلومیٹر (0.6میل) کے اندر مکانات کی تعداد میں اضافہ ہوا ہے۔ٹی ایف ایل نے مزید کہا کہ 2015اور 2022 کے درمیان تقریباً 378000اضافی ملازمتیںپیدا ہوئیں۔ 18.9بلین پونڈزکےبنیادی ڈھانچے کا منصوبہ وسیع پیمانے پر کامیاب رہا ہے، حالانکہ مغرب میں زیادہ ہجوم اب بھی ایک مسئلہ بن سکتا ہے۔یہ لائن، ریڈنگ اور ہیتھرو ہوائی اڈے کو شین فیلڈ اور ایبی ووڈ سے وسطی لندن کے راستے جوڑتی ہے ۔اس لائن پر اب تک 500 ملین سے زیادہ مسافر سفر کر چکے ہیں۔ٹی ایف ایل کے تجزیہ کے مطابق، ایبے ووڈنے سب سے بڑی ترقی دیکھی ہے، جہاں نئے گھروں میں 6 اضافہ اور روزگار تک رسائی میں 11 فیصد اضافہ ہوا ہے۔ساؤتھ ایسٹ لندن چیمبر آف کامرس کے صدر کرسٹوفی کرسٹو نے کہا کہ الزبتھ لائن کا کاروبار پر بہت مثبت اثر پڑ رہا ہے ۔ دی پیڈنگٹن پارٹنرشپ کے چیف ایگزیکٹیو کی بکسٹن نے کہا کہ انہوں نے دفتری سودوں میں 150 فیصد اضافہ دیکھا۔ڈھائی سال بعد، پیڈنگٹن برطانیہ کا دوسرا مصروف ترین اسٹیشن ہے اور دفتری جگہ کی مانگ اور مقام پر اعتماد مسلسل بڑھ رہا ہے۔ لیکن پیڈنگٹن سے باہر نکلتے ہوئے، انفراسٹرکچر جس کی ملکیت اور دیکھ بھال نیٹ ورک ریل کے پاس ہے بہت زیادہ استعمال ہوتا ہے اور بعض اوقات جدوجہد بھی کر سکتا ہے۔انجینئرنگ کے کاموں میں تاخیر، ٹریک کی خرابی، اور منسوخی، پر پہلے لندن کے میئر نے تنقید کی تھی۔لیکن ٹی ایف ایل چاہتا ہے کہ ہر کوئی الزبتھ لائن کے وسیع تر مالی فوائد کو جانے۔
یورپ سے سے مزید