فرمان الہی
نماز کے اوقات
پاکستان بحریہ کے جہاز ’یمامہ‘ نے جدہ کا دورہ کیا اور دو طرفہ مشق میں شرکت کی۔
انٹر سروسز پبلک ریلیشنز (آئی ایس پی آر) کے مطابق پی این ایس یمامہ نے رومانیہ سے پاکستان آتے ہوئے سعودی عرب کا دورہ کیا، جدہ بندرگاہ آمد پر رائل سعودی نیول فورسز اور پاکستانی سفارتی اعلیٰ حکام نے یمامہ کا استقبال کیا۔
اپنے دورے کے دوران کمانڈنگ افسر پی این ایس یمامہ نے سعودی عرب کی قیادت سے ملاقاتیں کیں، پاک بحریہ اور سعودی نیول فورسز کے جہازوں نے دو طرفہ مشق میں حصہ لیا، مشق کا مقصد پاک سعودی بحری افواج میں باہمی تعاون کو بہتر بنانا ہے۔
آئی ایس پی آر کے مطابق مشق کا مقصد پاک سعودی بحری افواج میں مشترکہ آپریشنز کی صلاحیت بڑھانا بھی تھا۔
آئی ایس پی آر کے مطابق اس موقع پر پاک سعودی بحری افواج کی جانب سے میری ٹائم سیکیورٹی اور علاقائی استحکام یقینی بنانے کے عزم کا اظہار کیا گیا۔
آئی ایس پی آر کا یہ بھی کہنا ہے کہ پی این ایس یمامہ کے دورۂ سعودی عرب سے برادرانہ تعلقات اور دفاعی تعاون مزید مستحکم ہوں گے۔
