فرمان الہی
نماز کے اوقات
پاکستانی شوبز انڈسٹری کی ابھرتی ہوئی اداکارہ حریم سہیل شادی کے بندھن میں بندھ گئیں، جس کی ویڈیوز سوشل میڈیا پر وائرل ہو گئیں۔
سینئر اداکارہ بینا چوہدری کے گھر شہنائیاں بج گئیں، اداکارہ نے اپنی بیٹی کو ڈولی بٹھا دیا، سوشل میڈیا پر رخصتی کی ویڈیو نے توجہ حاصل کر لی۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ حریم سہیل کے نکاح اور رخصتی کی ویڈیوز کی دھوم مچی ہوئی ہے۔
اداکارہ نے اس سے قبل اچانک پیلے جوڑے میں اپنی مایوں کی تصاویر اور ویڈیوز شیئر کر کے سب کو حیران کر دیا تھا بعد ازاں انہوں نے اپنی مہندی کی تصاویر اور ویڈیوز بھی شیئر کیں۔
مہندی کی تقریب میں انہیں روایتی سبز خوبصورت لہنگا چولی میں دیکھا گیا۔
ان کے دیدہ زیب لہنگے نے صارفین کی توجہ حاصل کی جسے ڈیزائنر نعمان اینڈ بھئیا نے روایتی اور جدید فیشن کے انداز اپناتے ہوئے ڈیزائن کیا۔
اب گزشتہ روز اداکارہ کا نکاح و رخصتی ہوئی ہے، جس کی تصاویر اور ویڈیو سوشل میڈیا صارفین کی توجہ حاصل کر رہی ہیں۔
شادی کی مختلف تقریبات میں روایتی رنگوں کا انتخاب کرنے والی حریم سہیل نکاح کے موقع پر سفید رنگ کی پشواس میں نظر آئیں جس میں وہ غضب ڈھا رہی تھیں۔
نکاح کے بعد ان کی رخصتی کی ویڈیو نے خاص توجہ حاصل کی جس میں انہیں رخصتی کے بعد گاڑی میں سوار ہو کر ہلا گلا کرتے دیکھا گیا۔
یاد رہے کہ حریم سہیل نے اپنی والدہ کے نقشِ قدم پر چلتے ہوئے اداکاری کی دنیا میں بہت کم وقت میں اپنے فن کا لوہا منوایا ہے۔
انہوں نے اپنے کیریئر میں گھسی پٹی محبت، بد دعا سمیت دیگر ڈراموں میں اداکاری کے جوہر بکھیرے تاہم ان دنوں وہ ٹاپ ٹرینڈ ڈرامہ سیریل ’اقتدار‘ میں عروج نامی لڑکی کا منفی کردار سے خوب داد وصول کر رہی ہیں۔
