• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گداگری کی غرض سے کندھ کوٹ کے مسافر کی سعودی عرب جانے کی کوشش ناکام

آج کا اخبار
اہم خبریں
06 فروری ، 2025
کراچی( اسٹاف رپورٹر )ایف آئی اے نے گداگری کے غرض سے مسافر کی سعودی عرب جانے کی کوشش ناکام بنا دی۔ایف آئی اے امیگریشن نے کراچی ایئرپورٹ پر کارروائی کرتے ہوئے گداگری کے غرض سے سعودی عرب جانے کی کوشش کرنے والے مسافر محمد عثمان کو گرفتار کر لیا۔ ملزم کا تعلق کندھ کوٹ سے ہے۔ابتدائی تفتیش کے مطابق ملزم کا نام اسٹاپ لسٹ میں شامل تھا اور ملزم کو اس سے قبل گداگری میں ملوث ہونے پر سعودی عرب سے ڈی پورٹ کیا گیا تھا۔ملزم کو مزید قانونی کارروائی کے لیے انسداد انسانی اسمگلنگ سرکل کے حوالے کر دیا گیا ہے۔ڈائریکٹر ایف آئی اے کراچی زون کے مطابق کراچی ایئرپورٹ پر مسافروں کی سخت اسکریننگ کا عمل اور گداگری میں ملوث عناصر کے خلاف سخت کریک ڈاون جاری ہے۔ انہوں نے ائیرپورٹ اسٹاف کو ہدایت دی کہ مشکوک سفری دستاویزات کی تفصیلی جانچ پڑتال کو یقینی بنایا جائے۔انسانی سمگلنگ میں ملوث ملزمان اور ان کے سہولت کاروں سے آہنی ہاتھوں سے نمٹا جائے گا-
اہم خبریں سے مزید