• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان اورچین کا انٹیلی جنس شیئرنگ مزید بہتر بنانے پر اتفاق

آج کا اخبار
اہم خبریں
06 فروری ، 2025
بیجنگ(اے پی پی)وفاقی وزیرداخلہ محسن نقوی نے اپنے چینی ہم منصب شی ونجن سے ملاقات کے موقع پر اتفاق کیا ہے کہ انٹیلی جنس شیئرنگ کو مزید بہتر کیا جائے گا۔ اس موقع پر پیرا ملٹری فورسز اور بارڈرز کو محفوظ کرنے کے لیے تعاون پر بھی تبادلہ خیال کیا گیا۔ فریقین نے پولیس اور پیرا ملٹری فورسز کو جدید ٹیکنالوجی سے ہم آہنگ کرنے کے حوالہ سے بھی گفتگو کی۔ پولیس کے لئے جدید آلات اور ٹیکنالوجی کے چین سے حصول کے حوالے سے تفصیلی تبادلہ خیال بھی کیا گیا۔ محسن نقوی نے کہا کہ چین سے پولیس کے لئے جدید ٹیکنالوجی و آلات لیں گے ۔ملاقات میں نیشنل پولیس اکیڈمی کے ساتھ تعاون پر بات چیت کی گئی اور بیجنگ پولیس اور اسلام آباد پولیس میں تعاون بڑھانے کا فیصلہ بھی کیا گیا۔ دونوں وزرا نےجنوری میں جوائنٹ ورکنگ گروپ کے اجلاس پر اطمینان کا اظہار کیا۔
اہم خبریں سے مزید