فرمان الہی
نماز کے اوقات
بھارت کے دارالحکومت دہلی میں این سی آر کے کئی اسکولوں کو ایک بار پھر بم کی دھمکیاں موصول ہو گئیں۔
بھارتی میڈیا کے مطابق نوئیڈا کے متعدد اسکولوں کو بم کی دھمکیاں آج صبح ملی ہیں جبکہ مایور وہار کے ایک اسکول کو صبح ای میل پر دھمکی دی گئی۔
اسکولوں کو دھمکیوں کے بعد طلبہ کو واپس گھر بھیج دیا گیا۔
بھارتی میڈیا کا کہنا ہے کہ اس سے قبل بھی دہلی کے اسکولوں کو دھمکیاں موصول ہو چکی ہیں۔
واضح رہے کہ بھارت کے دارالحکومت دہلی میں اپنے اسکول کو دھمکی آمیز ای میل بھیجنے پر پکڑے گئے طالب علم کو چھوڑ دیا گیا تھا۔
بھارتی میڈیا کے مطابق 12 سالہ طالب علم کو کونسلنگ اور والدین کو متنبہ کرنے کے بعد جانے کی اجازت دی گئی تھی۔
بھارتی میڈیا کا کہنا ہے کہ مذکورہ اسکول ان 30 اداروں میں شامل تھا جنہیں گزشتہ روز دھمکیاں موصول ہوئی تھیں۔
