فرمان الہی
نماز کے اوقات
پاکستان تحریک انصاف (پی ٹی آئی) کی مرکزی قیادت بھی جلسے میں کارکنوں تعداد سے ناخوش ہے۔
ذرائع کے مطابق پارٹی قیادت کی غیررسمی ملاقاتوں میں صوبائی قیادت پر تنقید کی جا رہی ہے۔
وزیرِ اعلیٰ خیبر پختون خوا نے پارٹی رہنماؤں سے ملاقات میں کارکنوں کی تعداد پر گفتگو کی۔
علی امین گنڈاپور نے جلسے میں زیادہ کارکن لانے کے لیے اراکین اسمبلی کو فون کالز کیں۔
مظاہروں میں کارکنوں کی گرفتاری اور جیلوں میں قید بھی جلسے میں کم تعداد کی وجہ بنی۔
صوبائی صدر جنید اکبر نے وزیرِ اعلیٰ خیبر پختون خوا سے جلسے کے لیے فنڈز لینے سے بھی انکار کیا تھا۔
ذرائع نے بتایا کہ اسٹیج کا انتظام اسد قیصر اور شہرام ترکئی نے کیا جبکہ دیگر انتظامات جنید اکبر نے کیے۔
شوکت یوسفزئی کا کہنا ہے کہ جلسے میں ڈسپلن کا خیال نہیں رکھا گیا، کارکنوں کی تعداد زیادہ تھی۔
اس حوالے سے عاطف خان نے کہا کہ صوابی میں شاندار جلسہ ہوا ہے، کارکن پُرجوش تھے۔
پی ٹی آئی خیبر پختون خوا کے صدر جنید اکبر کا کہنا ہے کہ جس طرح توقع تھی جلسہ اسی طرح کامیاب ہوا۔
