• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیبرپختونخوا، کرک میں CTD اور پولیس کا مشترکہ آپریشن، 5 دہشت گرد ہلاک

آج کا اخبار
اہم خبریں
11 فروری ، 2025
کرک(صباح نیوز)خیبرپختونخوا کے ضلع کرک میں محکمہ انسداد دہشت گردی (سی ٹی ڈی) اور پولیس کے مشترکہ آپریشن کے دوران 5 دہشتگرد مارے گئے۔ میر کلام بانڈھ میں دہشتگردوں کی موجودگی کی اطلاع پر آپریشن کیا گیا، ہلاک ہو نے والوں میں مقامی کمانڈر منصور بھی شامل ،ترجمان سی ٹی ڈی کے مطابق مارے جانے والے دہشتگردوں کی لاشیں ہسپتال منتقل کر دی گئیں۔پولیس حکام کے مطابق سی ٹی ڈی اور پولیس نے کرک کے علاقے میر کلام بانڈھ میں دہشت گردوں کی موجودگی کی اطلاع پر مشترکہ آپریشن کیا جس کے نتیجے میں 5 دہشتگرد ہلاک ہوگئے، مارے جانے والے دہشت گردوں کے قبضے سے اسلحہ برآمد ہوا ہے جبکہ آپریشن میں مارے جانے والوں میں مقامی کمانڈر منصور شامل ہے۔حکام نے کہا ہے کہ آپریشن کے دوران سی ٹی ڈی اور پولیس کا کوئی جانی نقصان نہیں ہوا۔ پولیس حکام کے مطابق ہلاک دہشت گردوں کی نعشوں کو ڈی ایچ کیو ہسپتال منتقل کر دیا گیا۔
اہم خبریں سے مزید