• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قومی اسمبلی وقفہ سوالات؛ سوال کا جواب نہ آنے پر اسپیکر برہم ہوگئے

آج کا اخبار
اہم خبریں
11 فروری ، 2025
اسلام آباد( رانا غلام قادر)قومی اسمبلی کے اجلاس میں گزشتہ روز وقفہ سوالات کے دوران وزارت آبی وسائل کی جانب سے پیپلز پا رٹی کی ایم این اے نفیسہ شاہ کے نیلم جہلم کے متعلق سوال کا جواب نہ آنے پر اسپیکر سر دار یاز صادق برہم ہو گئے اسپیکر نے سوال کیا کہ وزارت آبی وسائل سے کون افسر آیا ہے؟۔اسپیکر نے متعلقہ افسر کو حکم دیاکہ آپ میرے چیمبر میں آئیں اور وجہ بتائیں کہ سوال کا جواب کیوں نہیں دیاگیا۔ سپیکر نے متعلقہ افسر کو یہ بھی حکم دیا کہ سیکرٹری آبی وسائل کو بھی پانچ منٹ میں بلالیں۔ چھٹا منٹ نہ ہونے دیں۔پیپلز پارٹی کے ایم این اے سید نوید قمر نے کہا کہ متعلقہ وزیر خود آئے نہ سوال کا جواب آیا۔ وزیر کو خود یہاں ہو نا چاہئے ۔اجلاس چل رہا ہے صرف ایک وزیر ایوان میں موجود ہیں،وزراء کی عدم دلچسپی پارلیمان کی توہین ہے۔ سپیکر نے کہا کہ میں ا س مسلہ کو خود دیکھتا ہوں۔
اہم خبریں سے مزید