• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حماس کا یرغمالیوں کی رہائی مؤخر کرنیکا اعلان، اسرائیل نے فوج کو ہائی الرٹ کردیا

آج کا اخبار
اہم خبریں
11 فروری ، 2025
کراچی(نیوزڈیسک)فلسطینی مزاحمتی تنظیم حماس کی جانب سے یرغمالیوں کی رہائی مؤخر کرنے کے اعلان کے بعد اسرائیل نے فوج کو ہائی الرٹ کردیا۔حماس کا کہنا تھا اسرائیل غزہ پٹی کے شہریوں کی واپسی میں رکاوٹ ڈال رہا ہے،امداد کی ترسیل میں رکاوٹیں ڈال رہا ہےاسرائیلی وزیر دفاع کا کہنا ہے کہ اسرائیلی فوج کو غزہ میں بڑے پیمانے پر تیار رہنے کی ہدایت کردی ہے۔ وزیر دفاع نے کہا کہ فوج کو اسرائیلی آبادیوں کی حفاظت کےلیے بھی تیار رہنے کی ہدایت کی گئی ہے۔اس سے قبل فلسطینی مزاحمتی تنظیم حماس نے اسرائیلی یرغمالیوں کی رہائی تا حکم ثانی مؤخر کرنے کا اعلان کیا تھا۔فلسطینی مزاحمتی تنظیم کا کہنا تھا کہ یرغمالیوں کی رہائی میں تاخیر کا فیصلہ اسرائیل کو پابند کرنے کیلئےکیا گیا ہے، امریکی صدر ڈونلڈ ٹرمپ کے غزہ پٹی سے متعلق منصوبے پر عسکری مزاحمت زیر غور ہے۔
اہم خبریں سے مزید