فرمان الہی
نماز کے اوقات
جاپان میں برف کے گولوں کی جنگ چھڑ گئی۔
جاپان کے برفانی شمالی علاقے یونیما میں ملک کے سب سے بڑے سنو بال فائٹ ٹورنامنٹ کا انعقاد کیا گیا جس میں انوکھے اور منفرد سنسنی خیز مقابلے میں 120 سے زائد ٹیموں نے حصہ لیا، فاتح ٹیم کو 30 کلو مقامی یونیما چاول انعام میں دیے گئے۔
رائٹرز کے مطابق مقابلے میں پانچ، پانچ کھلاڑیوں پر مشتمل ٹیموں نے دو، دو منٹ کے میچز کھیلے۔
کھلاڑیوں کو حریفوں پر برف کے گولے پھینک کر نشانے لگانے پر پوائنٹس دیے گئے۔
کھلاڑی برف کا گولہ لگنے پر آؤٹ ہو جاتے ہیں اور وہ ٹیم جیت جاتی ہے جو پہلے مخالف کھلاڑیوں کو مکمل طور پر آؤٹ کر دے۔
جاپان میں سنو بال فائٹنگ کو اسپورٹس یوکی گاسن کہا جاتا ہے، جو ملک کے برفانی علاقوں میں کھیلی جاتی ہے اور اس کا ایک باضابطہ ادارہ بھی موجود ہے جو اسے سرمائی اولمپکس کا حصہ بنانے کے لیے کوشاں ہے۔
جاپان میں دور دراز علاقوں سے آئے مقامی افراد نے مقابلوں کو بھرپور انجوائے کیا اور ان کھیلوں میں دلچسپی کا اظہار کیا۔
