فرمان الہی
نماز کے اوقات
معروف یوٹیوبر اور انٹرنیٹ شخصیت رحیم پردیسی نے اداکار فیروز خان کو شکست دینے کے بعد اداکار خوش حال خان کو باکسنگ رنگ میں اترنے کا چیلنج دے ڈالا۔
16 فروری کو لاہور میں منعقدہ باکسنگ میچ میں رحیم پردیسی اور فیروز خان رنگ میں اترے تھے جس کے بعد مقابلہ جیتنے کے لیے دونوں نے داؤ پیچ آزمائے۔
اداکار فیروز خان رحیم پردیسی کے مکوں کو زیادہ دیر برداشت نہ کر سکے اور 5 منٹ بعد ہی ڈھیر ہو گئے تھے۔
رحیم پردیسی نے 5 راؤنڈز کے میچ میں فیروز خان کو 1 پوائنٹ کے مقابلے میں 4 پوائنٹس سے دھول چٹائی تھی۔
فائٹ کے بعد گفتگو کرتے ہوئے یوٹیوبر نے اداکار خوش حال خان کو بھی باکسنگ میچ کا چیلنج دے دیا۔
میزبان کے سوال کے جواب میں انہوں نے کہا کہ میں ہر چیلنج کے لیے تیار ہوں لیکن میں نے سنا ہے ایک نیا بچہ آیا ہے۔
انہوں نے للکارتے ہوئے کہا کہ خوش حال خان بڑے بڑے ہیلمٹ پہن کر کھیلتا ہے، بھیا اصلی باکسر سے لڑو ناں، نئے کھلاڑیوں کے ساتھ کیوں لڑتے ہو؟ مجھ سے لڑو، پھر پتہ چلے گا کہ اصلی چیمپئن کون ہے۔
واضح رہے کہ اداکار خوش حال خان ادکاری کے ساتھ باکسنگ کے بھی شوقین ہیں اور باکسنگ رنگ میں اتر کر بھی اپنی صلاحتیں منوا چکے ہیں۔
