فرمان الہی
نماز کے اوقات
بدوبدی کے بعد پاکستانی مزاحیہ گلوکار و یوٹیوبر چاہت فتح علی خان نے مشہورِ زمانہ بھارتی گانے ’چل چھیاں چھیاں‘ کا ری میک بھی پیش کر دیا۔
فوٹو اینڈ ویڈیو شیئرنگ پلیٹ فارم انسٹاگرام اور ویڈیو شیئرنگ پلیٹ فارم یوٹیوب پر چاہت فتح علی خان نے گانے کی مختلف ویڈیوز شیئر کی ہیں۔
مختلف سوشل میڈیا پلیٹ فارمز پر شیئر کی گئی ویڈیو میں انہوں نے 1999ء میں ریلیز ہونے والی بالی ووڈ کی مشہورِ زمانہ فلم ’دل سے‘ کا مقبول گانا ’چل چھیاں چھیاں‘ کا اپنا ورژن ’چل چھیاں چھیاں، چل پییاں پییاں‘ پیش کیا ہے۔
چل چھیاں چھیاں کے ری میک میں چاہت فتح علی خان کو ماڈل لائبہ کے ساتھ ڈانس کرتے بھی دیکھا جا سکتا ہے، انہوں نے ویلنٹائن کی مناسبت سے گانے کی ویڈیو میں سرخ و سیاہ کی تھیم رکھی ہے۔
خیال رہے کہ چاہت فتح علی خان کو اکثر و بیشتر مشہور گانوں کو بگاڑنے پر ٹرولنگ کا سامنا رہتا ہے، تاہم اس باوجود وہ یکے بعد دیگرے گانوں کو بگاڑتے اور بے سُری آواز میں پیش کرتے ہی رہتے ہیں۔
اس سے قبل چاہت فتح علی خان ملکہ ترنم نور جہاں کے گائے ہوئے سُپرہٹ گیت ’اکھ لڑی بدوبدی، موقع ملے کدی کدی‘ کا ری میک پیش کرنے کے بعد ٹرولرز کے نشانے پر آ گئے تھے۔
