فرمان الہی
نماز کے اوقات
پاک بھارت میچ کا بخار بالی ووڈ کی متنازع اداکارہ و رقاصہ راکھی ساونت کے سر بھی چڑ گیا، جنہوں نے بھارت کے پاکستان سے جیتنے پر ڈانس کرنے کا وعدہ کر لیا۔
آئی سی سی چیمپئنز ٹرافی 2025ء کے میچز جاری ہیں، لیکن چیمپئنز ٹرافی کے آغاز کے ساتھ ہی شائقینِ کرکٹ پاک بھارت ٹاکرے کے منتظر ہیں۔
اس ایونٹ کا سب سے بڑا مقابلہ پاکستان اور بھارت کے درمیان کل (23 فروری کو) دبئی میں ہو گا، جس کا جنون شائقین کرکٹز کے سر چڑھا ہوا ہے، ایسے میں دبئی میں مقیم اداکارہ و رقاصہ راکھی ساونت بھی کسی سے پیچھے نہیں ہیں۔
سوشل میڈیا پلیٹ فارم انسٹاگرام پر راکھی ساونت کی ایک ویڈیو وائرل ہو رہی ہے جس میں انہیں منفرد ڈیزائن والی جرسی پہنے کرکٹ کھیلتے دیکھا جا سکتا ہے۔
ویڈیو میں رقاصہ کی منفرد شرٹ کی خاص بات یہ ہے کہ اس پر پاکستان اور بھارت دونوں ممالک کا نام لکھا ہوا ہے۔
راکھی ساونت سے جب سوال کیا گیا کہ وہ کسے سپورٹ کر رہی ہیں؟ تو انہوں نے اپنی ویڈیو میں خود کو پہلے بھارت کی بیٹی اور پاکستان کی ہونے والی بہو قرار دیا لیکن پھر بھارت کی جیت کا نعرہ بلند کر دیا۔
انہوں نے دونوں ممالک کے کھلاڑیوں کو میچ کے روز بھاری ناشتہ کرنے سے گریز کا مشورہ دیا اور ساتھ ہی وسیم اکرم سے کیٹ واک کا بھی مطالبہ کیا تاکہ اسٹیڈیم آئے شائقین کی بوریت کچھ دور ہو سکے۔
انہوں نے یہ بھی کہا کہ جب بھارت وکٹ لے گا تو میں ڈانس کروں گی اور بھارت کی جیت پر لڈو کھاؤں گی۔
اداکارہ کی یہ ویڈیو سوشل میڈیا پر وائرل ہو رہی ہے جس پر صارفین کی جانب سے مختلف تبصروں کا سلسلہ جاری ہے۔
