• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب یونیورسٹی کالج آف آرٹس اینڈ ڈیزائن میں اسلامک فیسٹول

میرا شہر
لاہور
23 فروری ، 2025
لاہور(خبرنگار)پنجاب یونیورسٹی کالج آف آرٹس اینڈ ڈیزائن کے زیر اہتمام ”اسلامک آرٹس اینڈ آرکیٹیکچر“کے موضوع پر چوتھا اسلامک انٹرنیشنل فیسٹیول اور بین الاقوامی کانفرنس کا انعقاد کیا گیا۔ اس موقع پر آرگنائزیشن آف اسلامک کنٹریز کے نمائندہ پروفیسر ڈاکٹر محمود ایرول کلیچ نے بطور مہمان خصوصی شرکت کی جبکہ وائس چانسلرپنجاب یونیورسٹی پروفیسر ڈاکٹر محمد علی، پرو وائس چانسلر پروفیسر ڈاکٹر خالد محمود، اسلامک آرٹ فیسٹیول کے بانی عرفان احمد قریشی، ماہر تعمیرات اور سکالر کامل خان ممتاز، کالج پرنسپل پروفیسر ڈاکٹر ثمینہ نسیم اورآرٹسٹس سمیت طلباؤ طالبات نے بڑی تعداد میں شرکت کی۔اس تقریب نے پاکستان سمیت دنیا بھر کے شرکاء کواسلامی فن اور فن تعمیر کے بھرپور ورثے پر تبادلہ خیال کرنے کے لیے پلیٹ فارم مہیا کیا۔تقریب کی خاص بات پروفیسر ڈاکٹر محمود ایرول کلیچ کی موجودگی تھی، جو استنبول، ترکی میں اسلامی تاریخ، فن اور ثقافت کے ڈائریکٹر جنرل کے طور پر بھی خدمات انجام دیتے رہے ہیں۔ ان کی بصیرت اور شراکت نے کانفرنس کے مباحثوں کی اہمیت میں اضافہ کیا۔وائس چانسلر پنجاب یونیورسٹی چانسلر ڈاکٹر محمد علی نے منتظمین اور شرکاء کی کاوشوں کو سراہتے ہوئے کہا کہ اسلامی فن، فن تعمیر کی ثقافت اور تاریخ کو فروغ دینے میں ایسی سرگرمیاں اہم کردار ادا کرتی ہیں۔
لاہور سے مزید