• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

متعدد ٹرینیں تاخیر کا شکار، مسافروں کو شدید پریشانی کا سامنا

میرا شہر
لاہور
23 فروری ، 2025
لاہور ( جنرل رپورٹر ) کراچی کوئٹہ اور دیگر شہروں سے لاہور آکر دیگر شہروں کوروانہ ہوانیولی متعد د ٹرینیں گھنٹوں تاخیر کا شکار رہیں جس کی وجہ سے مسافروں کو شدید مشکلات و پریشانی کا سامنا کرنا پڑا ،کراچی سے لاہور آنے والی قراقرم ، پاک بزنس ، کراچی ، شالیمار ، خیبر میل ، تیز گام ، گرین لائن اور کوئٹہ سے آنے والی جعفر 1 سے 5 گھنٹے کی تاخیر کے ساتھ لاہور پہنچیں جبکہ لاہور سے کراچی جانے والی پاک بزنس کراچی کیلئے شام 4 بجکر 30 منٹ کی بجائےرات 8 بجے روانہ ہوئی اسی طرحکراچی ٹرین کراچی کیلئے شام 6 بجے کی بجائے 7 بجے،ملت 18-ڈاون کراچی کیلئے شام 5 بجکر 50 منٹ کی بجائے 6 بجکر 50 منٹ پر فیصل آباد سے روانہ ہو گی ہوئی ترجمان ریلوے کے مطابقکراچی، راولپنڈی سمیت دیگر شہروں کو جانے والی باقی تمام ٹرینیں اپنے مقررہ اوقات کار کے مطابق رواں دواں رہیں ۔
لاہور سے مزید