فرمان الہی
نماز کے اوقات
وزیرِ اعظم شہباز شریف کو آذربائیجان کے صدارتی محل زوولیا آمد کے موقع پر گارڈ آف آنر پیش کیا گیا۔
صدارتی محل پہنچنے پر آذربائیجان کے صدر الہام علیوف نے وزیرِ اعظم شہباز شریف کا پرتپاک استقبال کیا اور گارڈ آف آنر کے دوران دونوں ملکوں کا قومی ترانہ بجایا گیا۔
وزیرِاعظم شہبازشریف کے اعزاز میں پُروقار استقبالیہ تقریب کا انعقاد کیا گیا۔
اس سے قبل وزیرِ اعظم شہباز شریف آذربائیجان کے 2 روزہ دورے پر آذربائیجان پہنچے تھے۔
وزیرِاعظم شہباز شریف کی آج آذربائیجان میں وفود کی سطح پر ملاقات بھی ہو گی۔
وزیرِ اعظم شہباز شریف اور صدر آذربائیجان مفاہمتی یادداشتوں، معاہدوں پر دستخط کی تقریب میں شرکت اور پریس کانفرنس سے خطاب بھی کریں گے۔
وزیرِ اعظم 44 روزہ نگورنو قاراباخ جنگ کے ہیروز اور شہداء کے فتح کی یادگار پر حاضری بھی دیں گے۔
وزیرِ اعظم شہباز شریف پاکستان اور آذربائیجان کے درمیان تجارت و سرمایہ کاری کے فروغ کے لیے منعقدہ پاک آذر بزنس فورم میں بھی شرکت کریں گے۔
آذربائیجان کے صدر، وزیرِ اعظم شہباز شریف اور پاکستانی وفد کے اعزاز میں عشائیے کا بھی اہتمام کریں گے۔
