فرمان الہی
نماز کے اوقات
امریکا کے صدر ڈونلڈ ٹرمپ کی زیر صدارت کابینہ کا پہلا اجلاس ہوا جس میں انہوں نے دنیا بھر سے امیر ترین افراد کو امریکی شہریت کے لیے گولڈ کارڈ کی فروخت شروع کرنے کا اعلان کیا۔
صدر ڈونلڈ ٹرمپ نے کہا کہ کمپنیاں گولڈ کارڈ کے ذریعے ملازمین کو مائل کرسکتی ہیں، امید ہے دو ہفتے میں گولڈ کارڈ کی فروخت شروع ہوجائے گی۔
کابینہ سے خطاب میں ان کا کہنا تھا کہ یوکرینی صدر زیلنسکی جمعے کو ایک بڑی ڈیل پر دستخط کرنے آرہے ہیں، یوکرین سے اپنے پیسے واپس لیں گے۔
انہوں نے مزید کہا کہ یوکرین کے لیے سیکیورٹی ضمانت امریکا نہیں، یورپ دے گا، یقین ہے یوکرین جنگ ختم ہوجائے گی۔
ڈونلڈ ٹرمپ کا کہنا تھا کہ چینی صدر شی جن پنگ سے اچھے تعلقات ہیں، چاہتے ہیں چین امریکا میں سرمایہ کاری کرے، امریکا بھی چین میں سرمایہ کاری کرے گا۔
صدر ڈونلڈ ٹرمپ نے بتایا کہ وہ جلد یورپی یونین پر ٹیکس لگانے کا اعلان کریں گے، میکسیکو اور کینیڈا سے درآمدات پر نئے ٹیکس کا اطلاق 2 اپریل سے ہوگا۔
غزہ کے حوالے سے انہوں نے کہا کہ غزہ جنگ بندی پر آگے کیسے بڑھنا ہے اس کا فیصلہ اسرائیل نے کرنا ہے، اخراجات میں کمی نہ کی تو امریکا دیوالیہ ہوجائے گا۔
اس موقع پر صدر کے مشیر ایلون مسک نے کہا کہ ٹریلین ڈالر خسارے میں کمی لانے کے لیے تیزی سے آگے بڑھنے کی ضررت ہے۔
