فرمان الہی
نماز کے اوقات
کراچی ( اسٹاف رپورٹر)پاکستان اسٹاک ایکس چینج،مالیاتی اداروں اور مقامی سرمایہ کاروں کی مخصوص سیکٹرز میںخریداری کے باعث مارکیٹ میں تیزی کا رحجان،کے ایس ای100انڈیکس میں 757 پوائنٹس کا اضافہ،ایک لاکھ 12 ہزار پوائنٹس کی نفسیاتی حد بحال،51.51 فیصدکمپنیوں کے شیئرز کی قیمت میں اضافہ،سرمایہ کاری مالیت 86 ارب 32 کروڑ 78 لاکھ روپے بڑھ گئی،تاہم کاروباری حجم 0.97 فیصد کم رہا، تفصیلات کے مطابق منگل کو بھی سرمایہ کاروں کی کم دلچسپی کے باعث ٹریڈنگ کے آغاز پر مندی ریکارڈ کی گئی اور انڈیکس میں 269 پوائنٹس تک کی کمی دیکھنے میں آئی لیکن بعدازاں مالیاتی اداروں اور مقامی سرمایہ کاروں کی انرجی ،آئل اینڈ گیس، بینکنگ،فرٹیلائزر اور آٹو سیکٹرز میں خریداری سے مارکیٹ مثبت زون میں آگئی اور اختتام پر کے ایس ای100انڈیکس 756.91پوائنٹس کے اضافےسے 111986.89 پوائنٹس سے بڑھ کر 112743.80 پوائنٹس پر آکر بند ہوا۔
