فرمان الہی
نماز کے اوقات
کراچی (ٹی وی رپورٹ) جیو کے پروگرام ”آج شاہ زیب خانزادہ کے ساتھ “ میں گفتگو کرتے ہوئے سابق کپتان،راشد لطیف نےکہا ہے کہ بھارت کی کارکردگی کو دیکھ کر لگتا ہے کہ چیمپئنز ٹرافی اس دفعہ ان کی ہوگی،قومی ٹیم کی سلیکشن میں غیر پیشہ ورانہ رویہ اپنایا گیا سلیکٹرز گھبرا گئے ہیں،کرکٹر احمد شہزاد نےکہا کہ بھارت کی بہت مضبوط ٹیم ہے،قومی ٹیم کا جو اعلان کیا گیا عوام اور میڈیا کو ایک مربتہ پھر پاگل بنایا گیا ہے۔جن کھلاڑیوں پر تنقید کی گئی ان میں سے کچھ کو ٹی ٹوئنٹی اور کچھ کوون ڈے میں رکھ لیا گیا۔ایک مرتبہ پھر عوام کی آنکھوں میں دھول جھونکا جارہا ہے،سابق کرکٹر، سکندر بخت نےکہا کہ ابھی بھی پاکستان کی جس ٹیم کا اعلان ہوا ہے میں اس پر حیران ہوں، کرکٹ کے ساتھ زیادتی کررہے ہیں،میزبان شاہزیب خانزادہ نے اپنا تجزیہ پیش کرتے ہوئے کہا کہ آئی سی سی چیمپئنز ٹرافی ، آسٹریلیا کو ہراکر بھارت فائنل میں پہنچ گیا۔چیمپئنز ٹرافی کا فائنل پاکستان میں ہونے کی امید دم توڑ گئی ہے۔چیمپئنز ٹرافی کا فائنل دبئی میں کھیلا جائے گا۔
