فرمان الہی
نماز کے اوقات
کراچی ( اسٹاف رپورٹر) پاکستان اسٹاک ایکسچینج،سرمایہ کاروں کی کم دلچسپی کی وجہ سے مارکیٹ میں اتار چڑھاو کے بعد منفی رحجان،کے ایس ای 100انڈیکس میں78پوائنٹس کی کمی،55.72فیصد کمپنیوں کے شیئرز کی قیمت گھٹ گئی،سرمایہ کاری مالیت میں 16ارب 62کروڑ 83لاکھ روپے کی کمی ،کاروباری حجم بھی 37.92فیصد کم ہو گیا، تفصیلات کے مطابق جمعرات کو مارکیٹ میں ٹریڈنگ کا آغاز مثبت زون میں ہوا جس کے بعد چند مخصوص سیکٹرز میں خریداری سے انڈیکس592پوائنٹس کے اضافے سے ایک لاکھ 14ہزار کی حد عبور کر گیا لیکن مارکیٹ کے اختتام سے کچھ دیر قبل اچانک فروخت کا دباو بڑھنے سے صورتحال تبدیل ہو ئی اور انڈیکس 133پوائنٹس تک گھٹ گیا تاہم اختتام پر اس اتار چڑھاو کے بعد کے ایس ای100انڈیکس 78.02 پوائنٹس کی کمی سے 113784.31پوائنٹس پر آکر بند ہوا، کے ایس ای30انڈیکس بھی 13.71 پوائنٹس کی کمی سے 35387.15پوائنٹس ہو گیا اور آل شیئرز انڈیکس38.30پوائنٹس کی کمی سے 70551.27 پوائنٹس پر آگیا، مارکیٹ میں مجموعی طور پر 454 کمپنیوں کے شیئرز کا کاروبار ہوا۔
