فرمان الہی
نماز کے اوقات
سینیٹ اجلاس کے دوران پی ٹی آئی ایوان سے واک آؤٹ کر گئی۔
اجلاس کے دوران پی ٹی آئی کے سینیٹر علی ظفر نے کہا ہے کہ آج کا اجلاس یہاں ہی روک دینا چاہیے اور عون عباس بپی کے پروڈکشن آرڈر جاری کیے جائیں۔
سینیٹر منظور کاکڑ نے پوائنٹ آف آرڈر نہ ملنے پر احتجاج کیا۔
سینیٹ میں قائدِ حزبِ اختلاف شبلی فراز نے کہا کہ ہمارے پاس عون بپی کی گرفتاری کی ویڈیو ہے، گرفتاری کے وقت گھر میں توڑ پھوڑ کی گئی ہے، گرفتار کرنے والوں نے قانونی تقاضے پورے نہیں کیے۔
جس پر وفاقی وزیرِ قانون اعظم نذیر تارڑ نے جواب دیا کہ سینیٹر عون بپی کی گرفتاری پر ہم نے پنجاب پولیس سے تفصیلات حاصل کی ہیں۔
انہوں نے کہا کہ بہاولپور کے تھانہ دلاوڑ میں عون عباس کے خلاف غیر قانونی شکار کا مقدمہ درج ہے، عون عباس غیر قانونی حراست میں نہیں، ضابطے کی کارروائی کا سامنا کر رہے ہیں۔
