فرمان الہی
نماز کے اوقات
کراچی ( اسٹاف رپورٹر ) سندھ میں روٹین امیونائزیشن کوریج(معمول کے حفاظتی ٹیکے) 69 فیصد سے بڑھا کر 95 فیصد کا ہدف حاصل کرنے کے لیے صوبائی حکومت26-2025 تک 5,500 لیڈی ہیلتھ ورکرز (LHWs) اور کمیونٹی ہیلتھ ورکرز (CHWs) کو بھرتی کرے گی، یہ بات جمعرات کو وزیراعلیٰ ہاؤس میں منعقدہ ایک اجلاس کے دوران بتائی گئی ، وزیر اعلیٰ سندھ کی زیر صدارت اجلاس میں محکمہ صحت کی کارکردگی کے کلیدی اشاریوں کا جائزہ لیا گیا، اجلاس میں صحت کی خدمات کے حوالے سے عالمی معیار اور بہتر صحت کے حصول، خاص طورپر خواتین اور بچوں کے لیے اہداف کا تعین کیا۔ اجلاس میں وزیر صحت ڈاکٹر عذرا فضل، چیف سیکریٹری آصف حیدر شاہ، محتسب سندھ سہیل راجپوت، وزیراعلیٰ سندھ کے پرنسپل سیکریٹری آغا واصف، چیئرمین پی اینڈ ڈی نجم شاہ، سیکریٹری خزانہ فیاض جتوئی، سیکریٹری صحت ریحان بلوچ اور سیکریٹری پاپولیشن حفیظ عباسی نے شرکت کی۔
