• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی حکومت کے قرضوں میں مزید اضافہ؛ حجم 72 ہزار 123 ارب روپے ہوگیا

آج کا اخبار
اہم خبریں
07 مارچ ، 2025
اسلام آ باد (رانا غلام قادر ) وفاقی حکومت کےقرضے ملکی تاریخ کی نئی بلندترین سطح پر پہنچ گئے - وفاقی حکومت کے قرضوں میں مزید اضافہ ،حجم 72 ہزار123 ارب روپے ہوگیا،ایک سال میں وفاقی حکومت کےقرضوں میں7 ہزار283ارب روپے کا اضافہ ریکارڈ ،جنوری دوہزار پچیس تک مرکزی حکومت کےقرضے ریکارڈ بہترہزار ایک سو تئیس ارب روپے ہوگئے-جنوری دو ہزار پچیس تک کےایک سال کے دوران وفاقی حکومت کےقرضوں میں سات ہزار دو سو تراسی ارب روپےکااضافہ ریکارڈ کیا گیا ۔اسٹیٹ بینک نےجنوری 2025تک کےوفاقی حکومت کےقرضوں کا ڈیٹاجاری کردیا-دستاویز کےمطابق رواں مالی سال کےپہلے سات ماہ جولائی2024 سے جنوری 2025 کےدوران وفاقی حکومت کےقرضوں میں 3ہزار209ارب روپےجبکہ جنوری کےایک مہینےمیں مرکزی حکومت کےقرضوں میں 476ارب روپےکااضافہ ہوا- فروری2024سےلیکر جنوری 2025کےایک سال میں وفاقی حکومت کےقرضوں میں7ہزار283ارب روپے کا اضافہ ریکارڈ کیا گیا- جنوری2025تک وفاقی حکومت کے قرضوں کا حجم 72ہزار123رب روپے رہاجس میں مقامی قرضہ 50ہزار283ارب روپے اوریرونی قرضےکا حصہ 21ہزار880ارب روپے تھا- دسمبر 2024تک وفاقی حکومت کے قرضے 71ہزار 647ارب اور جون 2024 تک وفاقی حکومت کے قرضوں کا حجم 68 ارب 914 ارب روپے تھا جبکہ جنوری 2024 تک وفاقی حکومت کے قرضے64 ہزار 840 ارب روپے تھے۔
اہم خبریں سے مزید