فرمان الہی
نماز کے اوقات
کراچی میں رات گئے مختلف مبینہ پولیس مقابلوں میں 8 ڈاکوؤں کو گرفتار کر لیا گیا جن میں5 زخمی بھی شامل ہیں۔
کراچی میں کاؤنٹر ٹیررازم ڈپارٹمنٹ نے رات گئے پاک کالونی میں منشیات فروشوں کے خلاف کارروائی کرتے ہوئے متعدد منشیات فروشوں اور نشے کے عادی افراد کو گرفتار کیا ہے۔
اس کے علاوہ ایس ایس پی سینٹرل کے مطابق 5 مارچ کو بفرزون میں پولیس مقابلے میں زخمی ہونے والا ڈاکو دورانِ علاج ہلاک ہو گیا، ہلاک ملزم کی شناخت شاہنواز عرف شانو کے نام سے ہوئی تھی۔
ایس ایس پی سنٹرل نے بتایا ہے کہ ملیر مرغی خانے پل کے نیچے مبینہ پولیس مقابلے میں 1 زخمی سمیت 2 ڈاکو گرفتار کیے گئے ہیں۔
زخمی ملزم ندیم اور آصف سے اسلحہ، موٹر سائیکل اور چھینا ہوا موبائل برآمد کر لیا گیا۔
ایک اور کارروائی میں ڈیفنس فیز 7 قبرستان کے قریب بھی مبینہ پولیس مقابلے کے بعد راشد اور عمران نامی ڈاکوؤں کو زخمی حالت میں گرفتار کیا گیا ہے۔
سپر ہائی وے لنک روڈ سے اینٹی وہیکل لفٹر سیل نے عرفان لانگا نامی موٹر سائیکل لفٹر کو زخمی حالت میں گرفتار کیا ہے۔
بلدیہ ٹاؤن سعیدآباد میں بس اسٹاپ کے قریب ڈاکوؤں سے مقابلے کے بعد پولیس نے1 زخمی ملزم سمیت 3 ڈاکوؤں کو گرفتار کر کے اسلحہ اور لوٹا ہوا سامان برآمد کر لیا۔
