فرمان الہی
نماز کے اوقات
امریکی امیگریشن اور کسٹمز انفورسمنٹ نے ایک پاکستانی شہری کو قومی سلامتی کے لیے خطرہ قرار دے کر امریکا سے نکال دیا۔
امریکی ایجنسی کے ذرائع کی جانب سے پاکستانی شہری کو سلامتی کے لیے خطرہ قرار دیا، جس کے بعد انہیں امیگریشن اور نیشنیلٹی ایکٹ کے تحت ملک سے بے دخل کرنے کا حکم دیا۔
امریکی حکام کے مطابق 56 سالہ سید رضوی کو قومی سلامتی کے لیے خطرہ قرار دیتے ہوئے 25 فروری کو پاکستان ڈی پورٹ کر دیا۔
سید رضوی غیر قانونی طور پر ڈیلاس ٹیکساس میں مقیم تھے، انہیں 31 جنوری کو ایک معمول کے ٹریفک اسٹاپ کے دوران انفورسمنٹ اینڈ ریموول آپریشنز ڈیلاس نے گرفتار کیا تھا اور 24 جنوری کو امیگریشن جج نے ملک بدر کرنے کا حکم دیا تھا۔
سید رضوی 20 ستمبر 2017ء کو نیویارک کے پورٹ آف انٹری سے قانونی طور پر امریکا میں داخل ہوئے تھے لیکن انہوں نے داخلے کی شرائط کی خلاف ورزی کی، جس کے باعث انہیں ڈی پورٹ کرنے کا فیصلہ کیا گیا۔
