• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا، سنگاپور، ملائیشیا سمیت 14 ملکوں سے مزید 117 پاکستانی بے دخل

آج کا اخبار
اہم خبریں
09 مارچ ، 2025
کراچی( افضل ندیم ڈوگر) امریکہ سنگاپور قطر ملائشیا سمیت 14مختلف ممالک سے گزشتہ 48 گھنٹے کے دوران مزید 117پاکستانیوں کو بے دخل کر دیا گیا امیگریشن ذرائع کے مطابق سعودی عرب میں بلیک لسٹ، امیگریشن مسائل، منشیات، بھکاری مانگنے، کفیل کے بغیر کام، پاسپورٹ گمشدگی، کام سے مفرور، معاہدے کی خلاف ورزی، آئی بی ایم ایس میں نام سمیت مختلف الزامات پر 54 کو ڈی پورٹ کیا گیا۔ امریکہ سے ایمرجنسی دستاویزات پر 1، بنگلہ دیش بلیک لسٹ 1، سنگاپور امیگریشن سے 1 بحرین سے ویزا منسوخ کرکے 1، تھائی لینڈ امیگریشن سے 2 اور ورک پرمٹ کے بغیر کام پر 2، ملائشیا امیگریشن سے 3 پاکستانیوں کو ممنوعہ مسافر قرار دے کر واپس کردیا گیا۔ امارات کی جیل، مفرور، چوری، غیر قانونی داخلے اور کام کرنے سمیت مختلف الزامات پر 29 کو ڈی پورٹ کیا گیا۔ عراق سے ڈی رپورٹ 1 کو مفرور ہونے پر لاڑکانہ پولیس کے حوالے کر دیا گیا۔ عمان میں اجر کی شکایت اور غیر قانونی کام طور پر کام کرنے پر 4، قطر میں امیگریشن پر انٹری سے انکار، معاہدے کی خلاف ورزی، اور اور ائی بی ایم ایس، تمباکو فروخت کرنے پر 6، مراکش میں غیرقانونی قیام پر 4 پاکستانیوں کو واپس بھیجا گیا۔ موریطانیہ میں انسانی اسمگلنگ کیلئے پہنچے 2 پاکستانیوں کو بے دخل کیا گیا۔
اہم خبریں سے مزید