فرمان الہی
نماز کے اوقات
پاکستان تحریک انصاف (پی ٹی آئی) کے رہنما اسد قیصر کا کہنا ہے کہ شرم و حیا ہوتی تو وزیر دفاع مستعفی ہونے کا اعلان کردیتے۔
قومی اسمبلی میں اظہار خیال کرتے ہوئے پی ٹی آئی رہنما اسد قیصر نے خواجہ آصف کو جواب دیتے ہوئے کہا کہ کوئی شرم و حیا ہوتی تو وزیر دفاع خواجہ آصف آج مستعفی ہونے کا اعلان کر دیتے، وہ اپنی نا اہلی کا ملبہ پی ٹی آئی پر ڈال رہے ہیں۔
اسد قیصر نے کہا کہ توقع تھی کہ آج وزیر دفاع سانحہ بلوچستان پر بات کریں گے، پارلیمنٹ کو اعتماد میں لیا جائے گا، لیکن ان کے کے دل و دماغ پر پی ٹی آئی اور سوشل میڈیا چھایا ہوا ہے، صورتحال سے کیسے نمٹیں یہ بتانا حکومت کی ذمہ داری تھی۔
پی ٹی آئی رہنما اسد قیصر نے امن و امان کے لیے قومی اتفاق رائے پیدا کرنے کا مطالبہ بھی کیا۔
دوسری جانب بولان میں جعفر ایکسپریس پر حملے کیخلاف قومی اسمبلی کا ایوان ایک آواز ہوگیا، ایوان میں متفقہ قرارداد منظور کرلی گئی، پاک فوج اور قانون نافذ کرنے والے اداروں کو خراج تحسین پیش کیا گیا۔
سانحے کے بعد وزیراعظم شہباز شریف کوئٹہ پہنچ گئے، امن و امان سے متعلق جائزہ اجلاس میں شرکت کریں گے۔
