فرمان الہی
نماز کے اوقات
شوہر فہد احمد کے ہندو تہوار ہولی نہ منانے پر اداکارہ سوارا بھاسکر کو سوشل میڈیا پر تنقید کا سامنا کرنا پڑا، تاہم اداکارہ نے بھی ان ٹرولز کو کرارا جواب دے دیا۔
اداکارہ سوارا بھاسکر نے ان سوشل میڈیا صارفین کو بھرپور جواب دیا جو ان کے شوہر فہد احمد کے ہولی نہ کھیلنے پر سوالات اٹھا رہے تھے۔
سوارا نے اپنے سوشل میڈیا اکاؤنٹس پر سخت ردعمل دیا اور غیر ضروری مداخلت کرنے والے صارفین کو کھری کھری سنادی۔
اداکارہ نے اپنے انسٹاگرام اکاؤنٹ پر مذہبی تہوار ہولی کے دن کی تصویریں شیئر کیں، جن میں وہ اپنے شوہر فہد احمد اور بیٹی رابیہ کے ساتھ خوشی سے ہولی مناتی نظر آئیں۔
سوارا اور رابیہ کے چہرے تو ہولی کے رنگوں سے رنگے ہوئے تھے جبکہ فہد کے چہرے پر کوئی رنگ نظر نہ آیا، ایسا معلوم ہوا کہ فہد احمد رمضان کے روزے کی وجہ سے ہولی میں رنگ نہیں کھیل سکے۔
تاہم کچھ سوشل میڈیا صارفین نے اس بات بھی بنیاد بنالیا اور تنقید شروع کردی اور سوالات کرنے لگے کہ فہد نے ہولی میں رنگ کیوں نہیں لگائے؟
ایک صارف نے تبصرہ کیا، ’آپ کے شوہر نے رنگ کیوں نہیں لگائے؟‘ جبکہ ایک نے کہا کہ ’سوارا، آپ کے شوہر کا رنگ نہ کھیلنا بہت کچھ کہہ رہا ہے۔‘
اس پر سوارا نے دوٹوک ردِ عمل دیتے ہوئے انسٹاگرام اسٹوری پر ہولی کی تصاویر دوبارہ شیئر کیں اور ایک واضح پیغام لکھا، ’ہولی مبارک! یہ ایک یاد دہانی ہے کہ ہم اپنے تہوار خوشی خوشی منا سکتے ہیں بغیر کسی پر زبردستی کیے!‘
سوارا بھاسکر نے فروری 2023 میں فہد احمد سے شادی کی تھی اور ستمبر 2023 میں ان کی بیٹی رابیہ کی پیدائش ہوئی۔
فہد احمد ایک سماجی کارکن اور سیاستدان ہیں۔ وہ پہلے سماج وادی پارٹی کا حصہ تھے اور بعد میں انہوں نے نیشنلسٹ کانگریس پارٹی (شرد چندر پوار دھڑا) میں شمولیت اختیار کی۔
2024 کے مہاراشٹرا اسمبلی انتخابات میں انہوں نے انوشکتی نگر، ممبئی ساؤتھ سینٹرل سے الیکشن میں حصہ لیا تھا۔
