فرمان الہی
نماز کے اوقات
پاکستان شوبز انڈسٹری کے معروف اداکار میکال ذوالفقار نے ساتھی اداکارہ زارا شیخ سے اپنے تعلق کے بارے میں بات کی ہے۔
میکال ذوالفقار نے حال ہی میں نجی ٹی وی کے پروگرام میں بطور مہمان شرکت کی جہاں ان سے یہ سوال کیا گیا کہ آپ کی زارا شیخ سے ماضی میں بہت اچھی دوستی تھی تو اس بات میں کتنی سچائی ہے؟
اُنہوں نے اس سوال کا جواب دیتے ہوئے کہا کہ یہ میرے کیریئر کے ابتدائی دنوں کی بات ہے جب میں 20 یا 21 سال کا تھا اور زارا شیخ کی عمر بھی زیادہ نہیں تھی شاید وہ مجھ سے عمر میں 3 سال بڑی ہیں۔
اداکار نے بتایا کہ میں اس وقت انگلینڈ سے پاکستان آیا تھا چونکہ میرا بچپن وہاں گزرا تھا تو میں وہاں بہت سی گوری لڑکیاں دیکھ چُکا تھا تو جب یہاں پر میں زارا شیخ سے ملا تو میں ان کا مشرقی انداز میرے لیے ایک نئی چیز تھی جس سے میں بہت متاثر ہوا تھا۔
اُنہوں نے بتایا کہ میں نے زارا کے ساتھ دو چار پروجیکٹس پر کام کیا تھا لیکن بدقسمتی سے زارا اپنے شوبز کیریئر میں زیادہ کامیابیاں حاصل نہیں کر سکیں حالانکہ وہ بہت باصلاحیت ہیں اور بہت کچھ کر سکتی تھیں۔
میکال ذوالفقار نے کہا کہ زارا کی آواز بہت اچھی تھی تو میں اُن کی میوزک کے لیے بہت حوصلہ افزائی کرتا تھا اور مجھے خود بھی میوزک بہت پسند تھا شاید اسی لیے ہماری ایک دوسرے سے بہت اچھی دوستی ہو گئی لیکن ہمارا یہ تعلق بہت مختصر عرصے تک رہا اور بعد میں کبھی ایک دوسرے سے ملاقات بھی نہیں ہوئی۔
